Sangava News

प्रभाग क्रमांक ९ मध्ये निवडणूक तारखा जाहीर होण्याआधीच विरोधकांना धाकधुक! नागरिकांनी लावलेले सागर सूर्यवंशी यांचे फ्लेक्स प्रशासनाने काढले की विरोधकांनी?

भाजपचे प्रभावशाली दावेदार उमेदवार म्हणून स्थानिक नागरिकांनी पत्रकार सागर सूर्यवंशी यांचे नाव पुढे केल्यामुळे आणि नागरिकांनीच स्वयंस्पूर्तीने सागर सूर्यवंशी यांचे फ्लेक्स लावल्यामुळे विरोधकांमध्ये धाक धुक वाढली असल्याने असे कृत्य प्रशासनाला तक्रारी करून केले असल्याचा दावा खराळवाडी येथील मित्र मंडळे करीत आहेत. आत्तापासूनच सागर सूर्यवंशी यांना जनतेचे वाढता पाठिंबा मिळत असल्याचा हा परिणाम असून लावलेले फ्लेक्स काढल्याने सागर सूर्यवंशी यांचा प्रभाव कमी होणार नाही असे मत स्थानिक नागरिकांनी व्यक्त केले. सागर सूर्यवंशी यांचे हिंदुत्वाचे कार्य आणि भारतीय जनता पार्टीच्या वेगवेगळ्या विंग चे कार्य पाहता प्रभाग क्रमांक ९ मधून सागर सूर्यवंशी हेच योग्य उमेदवार असल्याची चर्चा सध्या प्रभागात सुरू आहे.

| सांगावा न्यूज | पिंपरी चिंचवड, दिनांक १० : शहराला आपण सिंगापूर सारखे शहर बनवणार असल्याचे सनय छत्रपती शासन पक्षाचे अध्यक्ष प्रा. नामदेव जाधव यांची आज पिंपरी येथील नमस्कार हॉटेलमध्ये पत्रकार परिषदेत घोषणा केली. आगामी महानगरपालिका निवडणुकीच्या पार्श्वभूमीवर पिंपरी चिंचवड महानगरपालिका निवडणुकी संदर्भात त्यांनी पक्षाची महत्वाची भूमिका यावेळी मांडून उपस्थित पत्रकारांच्या प्रश्नांना उत्तरे देऊन पुढील महत्वाचे मुद्दे मांडले.

प्रा. जाधव यांनी सांगितले की, "पिंपरी–चिंचवड शहरातील धुळीचे कण मायक्रो लेव्हलवर अत्यंत वाढले असून त्याचा थेट परिणाम नागरिकांच्या आरोग्यावर होत आहे. या प्रदूषणामुळे प्रत्येक नागरिकाचे आयुष्य अंदाजे २० वर्षांनी कमी होत आहे, ही चिंताजनक बाब आहे"

"शहरातील नद्यांमध्ये वाढणारे जलपर्णी, तसेच अनेक कंपन्यांकडून नद्यांमध्ये सोडले जाणारे सांडपाणी ही प्रदूषणाची गंभीर कारणे असून, बिल्डरांच्या बांधकामांमधून निर्माण होणारी प्रचंड धूळ ही परिस्थिती आणखी बिघडवत चालली आहे"तसेच, महानगरपालिकेतील काही अधिकारी आणि राजकीय नेते बिल्डरांशी संगनमत करून बसले असल्याने शहरातील आवश्यक सुधारणा होणे कठीण झाले आहे, असा गंभीर आरोपही त्यांनी यावेळी केला. ही परिस्थिती बदलली पाहिजे. आणि विविध समस्येमध्ये जखडलेल्या शहराला बाहेर काढण्यासाठी सनय छत्रपती शासन पक्ष पिंपरी–चिंचवड महापालिकेच्या एकूण १२८ जागांवर निवडणूक लढविणार असून १०० नगरसेवक निवडून अन्यायाचा निर्धार यावेळी प्रा. नामदेव जाधव यांनी केला.

काही पक्षांचे इच्छुक उमेदवारांना त्यांच्या पक्षांकडून तिकीट न मिळाल्यास ते आमच्या पक्षातून लढण्यास उत्सुक असल्याचेही त्यांनी स्पष्ट केले. “आमचे उमेदवार निश्चितपणे निवडून येतील. निवडून आलेला कोणताही उमेदवार भ्रष्टाचारात गुंतला तर त्याचे नगरसेवकपद मी पक्षाध्यक्ष म्हणून तत्काळ रद्द करीन,” असा ठाम इशारा त्यांनी दिला. शहरातील नागरिकांना आता तेच-तेच चेहरे आणि तेच-तेच पक्ष नको आहेत. आमचे कार्य नागरिकांपर्यंत व्हिडिओद्वारे स्पष्टपणे पोचत असल्याने त्यांचा विश्वास आणि मतांचा कौल आमच्याकडे वाढत असल्याचे त्यांनी नमूद केले. ही पिंपरी–चिंचवडमधील सनय छत्रपती शासन पक्षाची पहिली पत्रकार परिषद असल्याची त्यांनी माहिती दिली. यानंतर महाराष्ट्राच्या राजकारणाविषयी बोलताना त्यांनी स्पष्ट केले की,

राजकारणात घराणेशाही प्रचंड प्रमाणात वाढली आहे. एकाच कुटुंबातील अनेक सदस्य वेगवेगळ्या पक्षांत जात आहेत. यामुळे नवीन तरुणांना संधी मिळत नाही.

त्याचबरोबर, राजकारणाचे गुन्हेगारीकरण झाल्यामुळे अल्पशिक्षित आणि गुंड प्रवृत्तीचे लोक निवडून येतात, तर सुशिक्षित मतदार मतदानाला बाहेर पडत नाहीत. यामुळे एकूण मतदान केवळ ५० ते ६० टक्क्यांच्या दरम्यान राहते. या परिस्थितीला बदलण्यासाठी सनय छत्रपती शासन पक्ष सर्वत्र सुशिक्षित आणि उच्चशिक्षित उमेदवारांना तिकीट देणार असल्याचे मनमूद केले. पक्षाने असा निर्णय घेतल्याने जे सुशिक्षित मतदार आजपर्यंत मतदानासाठी बाहेर पडत नव्हते, ते मोठ्या संख्येने मतदानाला येतील, आणि यामुळे घराणेशाही व गुंडगिरी यांना पूर्णविराम मिळेल, असे त्यांनी ठामपणे सांगितले.

इतिहासात पहिल्यांदाच पिंपरी–चिंचवडमध्ये विक्रमी मतदान होईल, आणि या विक्रमी मतदानातून सत्तांतर घडेल, असा विश्वास व्यक्त करून या शहरातील प्रत्येक नागरिकाला आपले शहर सिंगापूरसारखे विकसित व्हावे अशी इच्छा असून, हे स्वप्न प्रत्यक्षात आणण्याची क्षमता सनय छत्रपती शासन पक्षाच्या दूरदृष्टीतून शक्य आहे ते आपण सद्य करण्याचे नागरिकांना आवाहन केले. सनय छत्रपती शासन पक्षाचा जन्म पिंपरी–चिंचवडमध्येच झाला असून, पक्षाध्यक्ष म्हणून ते स्वतः या शहरात राहत असल्याने शहरातील सर्व समस्यांची त्यांना पूर्ण जाण आहे. त्यामुळे शहरातील सर्व प्रश्न शंभर टक्के सकारात्मकपणे सोडवले जातील, असा विश्वास पत्रकार परिषदेत प्रा. नामदेवराव जाधव यांनी व्यक्त केला.

| सांगावा न्यूज | थेरगाव, दिनांक ७ : पिंपरी चिंचवड शहरातील थेरगाव येथील प्रभाग क्रमांक २३ मध्ये राहणाऱ्या नागरिकांसाठी सौ. रेखाताई नरेंद्र माने यांनी रिल्स स्पर्धा आयोजित केली असून याचा नागरिकांनी लाभ घेण्याचे आवाहन आयोजकांनी केले आहे. स्पर्धा सर्व वयोगटसाठी खुली असून प्रथम क्रमांक पटकावणाऱ्या रिल स्टार साठी ५१,१११ रुपये, द्वितीय क्रमांकासाठी २१,१२१ रुपये तर तृतीय क्रमांकासाठी ११,१११ रुपयांची रोख पक्षीसे देऊन Reels Stars चा सन्मान केला जाणार आहे. शिवाय स्पेशल पब्लिक चॉईस   पारितोषिक देखील काढले जाणार आहे. स्पर्धेत सहभागी होण्यासाठी वयाची अट नसून आपली कला, आत्मविश्वास क्रिएटिव्हिटी दाखवायची सुवर्णसंधी उपलब्ध आहे. स्पर्धेत सहभागी होण्यासाठी प्रथम नाव नोंदणी करणे अनिवार्य आहे. त्यानंतर विषय दिले जातील त्या विषयावर रिल्स बनवायची आहे. 

विषय : डान्स, ॲक्टिंग, डायलॉग, देशभक्ती, संस्कृती, मिमिक्री, मोटिवेशनल, सोशल मेसेज, कॉमेडी, एंटरटेनमेंट असे विषय असून स्वतः चे स्वतः रिल्स बनवून सहभागी होता येईल.

स्पर्धेची सुरुवात ८ डिसेंबर २०२५ पासून सुरू होत असून १० जानेवारी २०२६ पर्यंत स्पर्धा चालू राहील. १४ जानेवारी रोजी स्पर्धेचे बक्षीस वितरण समारंभ होणार आहे. सदर रिल्स स्पर्धा इंस्टाग्राम, फेसबुक, युट्यूब या माध्यमांवर प्रदर्शित होईल.

अधिक माहितीसाठी आणि नावनोंदणीसाठी संपर्क : सौ. रेखाताई नरेंद्र माने यांचे जनसंपर्क कार्यालय, लेन नंबर १०, अशोका हौसिंग सोसायटी, थेरगाव.

प्रभावशाली मुख्यमंत्री देवेंद्रजी फडणवीस यांच्या वर्षपूर्ती निमित्त स्टेप्स फाउंडेशन आयोजित बातम्या व छायाचित्रांच्या प्रदर्शनाला उत्स्फूर्त प्रतिसाद 

लोकशाहीचा चौथा स्तंभ नामांकित वृत्तपत्रांमध्ये प्रकाशित झालेल्या मुख्यमंत्री देवेंद्रजी फडणवीस यांच्या कार्यावर आधारित बातम्या छायाचित्रांचे प्रदर्शन संपन्न 

| सांगावा न्यूज| पिंपरी चिंचवड, दिनांक ५ : "आपला आदर्श, आपली प्रेरणा, नवमहाराष्ट्र निर्माण संकल्पना"  या विचारांवर आधारित सर्वस्पर्शी मुख्यमंत्री देवेंद्रजी फडणवीस यांच्या कार्याच्या , विद्यमान सरकार मधील वर्षपूर्ती निमित्त, "लोकशाहीचा चौथा स्तंभ" असलेल्या नामांकित वृत्तपत्रामध्ये प्रकाशित झालेल्या बातम्यांचे चित्र प्रदर्शन चिंचवड येथे दिग्गज मंडळींच्या उपस्थितीत संपन्न झाले. दिनांक ५ डिसेंबर रोजी सकाळी १०.३० वाजता प्रा. रामकृष्ण मोरे प्रक्रेक्षागृह आर्ट गॅलरी चिंचवड येथे पंकज भोयर ( मंत्री, महाराष्ट्र राज्य), यांच्या हस्ते या चित्र प्रदर्शनाचे उद्घाटन झाले. यावेळी अनुसूचित जाती/जमाती आयोगाचे सदस्य गोरक्ष लोखंडे, गजानन जोशी (मुख्य संयोजक: देवाभाऊ फांऊडेशन, महाराष्ट्र राज्य), विश्वजीत देशपांडे (प्रदेशाध्यक्ष: परशुराम हिंदू सेवा संघ, महाराष्ट्र) यांच्यासह इतर मान्यवर उपस्थित होते. कर्तृत्ववान मुख्यमंत्री, गतिमान शासन व निर्णय अंमलबजावणी झालेल्या या मुख्यमंत्र्यांच्या कार्याला उजाळा मिळावा हा कार्यक्रम घेण्यापाठीमागे निष्पक्ष हेतू आहे असे मुख्य आयोजक नितीन चिलवंत यांनी सांगून सुरूवातीला मंत्री महोदयांच्या हस्ते गोमातेचे पूजन करून प्रदर्शनाची सुरुवात झाली. निमंत्रक व स्टेप्स फाउंडेशन चे संदेश मुखेडकर आणि त्यांच्या सहकाऱ्यांनी सुसज्ज नियोजन केले होते त्याचा दर्शक आणि मान्यवरांनी अनुभव घेतला.

यावेळी राज्यमंत्री पंकज भोयर म्हणाले की, "प्रथमच पुणे जिल्ह्यात पिंपरी चिंचवड शहरामध्ये अशापद्दतीने मुख्यमंत्री देवेंद्रजी फडणवीस यांच्या कार्य कर्तृत्वाचा गौरव प्रकाशित झालेल्या बातम्यांचे चित्र प्रदर्शन आयोजित करून ते सर्वासाठी खुले केल्याबद्दल स्टेप्स फाउंडेशनचे आणि संपुर्ण टीमचे कौतुक. असे कार्यक्रम प्रत्येक जिह्यात झाले पाहिजेत जेणेकरून कर्तव्यदक्ष मुख्यमंत्र्यांच्या कार्याला उजाळा मिळेल" 

गोरक्ष लोखंडे (अनुसूचित जाती/जमाती आयोग सदस्य, सचिव दर्जा) यांनी आपल्या मनोगतात सांगितले की, "या चित्र प्रदर्शनातील सर्वात जास्त आवडलेला फोटो म्हणजे, माझ्या राज्यातील गरीब आणि शेवटचे घर जोपर्यंत सुखी नाही ते राज्य सुखी नाही! असा विचार करून रयत सुखी ठेवण्यासाठी कार्य करणारे मराठी मनाचा मानबिंदू या मातीने आम्हाला दिला, असे छत्रपती शिवाजी महाराजांच्या चरणी नतमस्तक होतानाचे मुख्यमंत्री देवेंद्रजी फडणवीस यांचे चित्र जास्त भावले" 

बालदिनानिमित्त थेरगावमध्ये विद्यार्थ्यांसाठी भव्य चित्रकला स्पर्धा

| सांगावा न्यूज | थेरगाव, दिनांक ७ : बालदिन दरवर्षी उत्साहात साजरा केला जातो, आपल्या थेरगावमध्ये 

रविवार दिनांक ७ डिसेंबर २०२५ रोजी बालदिना निमित्त भव्य चित्रकला स्पर्धेचे आयोजन प्रभाग क्रमांक २३ मधील विद्यार्थ्यांसाठी आहे. भारतीय जनता पार्टीच्या महिला मोर्चा प्रभाग अध्यक्षा सौ. सोनालीताई संदीप गाडे यांनी या स्पर्धेचे आयोजन केले आहे. बापूजीबुवा गार्डन, थेरगाव गावठाण येथे सकाळी ८ वाजता भव्य चित्रकला स्पर्धा होणार असून स्पर्धा  इयत्ता २ री ते ५ वी आणि इयत्ता ६ वी ते १० वी अशा दोन गटांमध्ये होणार आहे.

: चित्रकलेचे विषय पुढीलप्रमाणे : 

* इयत्ता २ री ते ५ वी

१.माझा आवडता प्राणी  

२.माझा आवडता पक्षी 

३.फुगेवाला

* इयत्ता ६ वी ते १० वी

१.माझा आवडता उत्सव 

२.ऑपरेशन सिन्दुर 

३.सैनिकांना राखी बांधणारी बहीण 

४.वृद्धाश्रमाला भेट 

५.गणपती विसर्जन नंतरचा दुसरा दिवस 

६.किल्ले बनवणारे बाल कलाकार.

चित्रकला स्पर्धेमध्ये पहिल्या तीन क्रमांक मिळवलेल्या स्पर्धकांना विशेष बक्षिसे मिळणार आहेत तसेच सहभागी होणाऱ्या प्रत्येक स्पर्धकास प्रमाणपत्र व बक्षीस देण्यात येणार आहेत, ते पुढीलप्रमाणे 

*प्रथम क्रमांक*

टॅब, सन्मानचिन्ह व प्रशस्तीपत्रक

*द्वितीय  क्रमांक

सायकल, सन्मानचिन्ह व प्रशस्तीपत्रक

*तृतीय क्रमांक

सायकल, सन्मानचिन्ह व प्रशस्तीपत्रक

विद्यार्थ्यांमध्ये चैतन्य निर्माण होण्यासाठी आणि या चिमुकल्यांच्या कलागुणांना व्यासपीठ मिळवून देण्यासाठी प्रभाग क्रमांक २३ मधील विद्यार्थांसाठी खास आयोजित केलेल्या या स्पर्धेत पालकांना देखील आपल्या मुला मुलींनी रेखाटलेल्या कलाकृतींचा आनंद घेता येणार आहे.

प्रत्येक सहभागी स्पर्धकांनी येतांना सोबत पाण्याची बाटली, रंगकामाचे साहित्य, पेन्सिल, एरेझर, रायटिंग पॅड इत्यादी साहित्य सोबत घेऊन येणे आवश्यक.

सर्वांनी स्पर्धेसाठी वेळेवर हजर रहावे अशी विनंती आयोजकांकडून करण्यात करण्यात आली आहे.

अधिक माहितीसाठी सौ.सोनालीताई संदीप गाडे 

यांच्या संपर्क कार्यालयाला भेट द्यावी.

पत्ता: पवार नगर, कॉलनी क्रमांक १, थेरगाव, पुणे-४११०३३.

संपर्क: ९९२१४७०१०१